ಕಿತ್ತೂರು ವೀರರಾಣಿ ಚನ್ನಮ್ಮಾಜಿ ಸಂಸ್ಥಾನ ಸಂರಕ್ಷಣಾ ಸಮಿತಿಯಿಂದ 23ರ ಗಡುವು

0
17
loading...

 

ವಿವಿಧ ಬೇಡಿಕೆಗಳಿಗೆ ಒತ್ತಾಯಿಸಿ ಮುತಾಲಿಕ ನೇತೃತ್ವದಲ್ಲಿ ಧರಣಿ

 

ಬೆಳಗಾವಿ,15-ಕಿತ್ತೂರು ಉತ್ಸವದಲ್ಲಿ ವೀರರಾಣಿ ಚನ್ನಮ್ಮಳ ವಂಶಸ್ಥರಿಗೆ ಗೌರವ ನೀಡಬೇಕು. ರಾಜಗುರುಗಳಿಗೆ ಆದ್ಯತೆ, ರಾಜ್ಯೌತ್ಸವದಲ್ಲಿ ಗೌರವ, ಪ್ರಾಧಿಕಾರದಲ್ಲಿ ರಾಜಗುರು ಮತ್ತು ವಂಶಸ್ಥರನ್ನು ಸದಸ್ಯರನ್ನಾಗಿಸಿಕೊಳ್ಳುವುದು ಸೇರಿದಂತೆ ಪ್ರಮುಖ 13 ಬೇಡಿಕೆಗಳನ್ನು ಸರಕಾರ ಇದೇ ದಿ.23ರೊಳಗಾಗಿ ಈಡೇರಿಸಬೇಕೆಂದು ಒತ್ತಾಯಿಸಿ ಶನಿವಾರ ಜಿಲ್ಲಾಧಿಕಾರಿಗಳ ಕಚೇರಿ ಆವರಣದಲ್ಲಿ ವೀರರಾಣಿ ಕಿತ್ತೂರು ಚನ್ನಮ್ಮಾಜಿ ಸಂಸ್ಥಾನ ಸಂರಕ್ಷಣಾ ಸಮಿತಿಯಿಂದ ಒಂದು ದಿನ ಸಾಂಕೇತಿಕ ಧರಣಿ ನಡೆಸಲಾಯಿತು.

ಸಮಿತಿಯ ಗೌರವಾಧ್ಯಕ್ಷ ಪ್ರಮೋದ ಮುತಾಲಿಕ, ಅಧ್ಯಕ್ಷ ಎಸ್.ಆರ್.ಮೊಕಾಶಿ, ಕಾರ್ಯಾಧ್ಯಕ್ಷ ಅರವಿಂದ ದೇಸಾಯಿ, ಸೋಮಶೇಖರ ದೇಸಾಯಿ, ಮಲ್ಲಸರ್ಜ ದೇಸಾಯಿ, ಉದಯಕುಮಾರ ದೇಸಾಯಿ, ಡಾ.ಎಸ್.ಡಿ.ಪಾಟೀಲ, ದೀಪಕ ಅಂಬಲಿ, ಕನ್ನಡ ಹೋರಾಟಗಾರರಾದ ಉಮಾದೇವಿ ಟೋಪಣ್ಣವರ ನೇತೃತ್ವದಲ್ಲಿ ಧರಣಿ ನಡೆಸಲಾಯಿತು.

ಬೇಡಿಕೆಗಳು:ಕಿತ್ತೂರು ವೀರರಾಣಿ ಚನ್ನಮ್ಮಳ ಸಂಸ್ಥಾನದ ಬೈಲಹೊಂಗಲ, ಖಾನಾಪೂರ ಮತ್ತು ಸವದತ್ತಿ ಪ್ರದೇಶಗಳನ್ನು ಅಭಿವೃದ್ದಿಗೊಳಿಸಿ ಅಂತರಾಷ್ಟ್ತ್ರೀಯ ಪ್ರವಾಸಿ ಸ್ಥಾನವಾಗಿಸಲು 500 ಕೋಟಿ ರೂ.ಗಳ ಪ್ಯಾಕೇಜ್ ಘೋಷಣೆ ಮಾಡಬೇಕು. ಚನ್ನಮ್ಮಳ ಹುಟ್ಟೂರು ಕಾಕತಿಯ ವಾಡೆ, ಕೋಟೆ,ಮನೆ ದೇವರು, ದೇವಸ್ಥಾನ ಇವುಗಳ ಅಭಿವೃದ್ದಿಗೆ ಮತ್ತು ಉತ್ಸವಕ್ಕೆ 5 ಲಕ್ಷ ರೂ. ಬಿಡುಗಡೆ ಮಾಡಬೇಕು.

ಬೈಲಹೊಂಗಲ ವೀರರಾಣಿ ಚನ್ನಮ್ಮಳ ಸಮಾಧಿ, ಸ್ನಾನಗೊಳ, ಪೂಜಾಸ್ಥಳಗಳನ್ನು ಅಭಿವೃದ್ದಿಪಡಿಸಿ ಚನ್ನಮ್ಮಳ ಪುತ್ಥಳಿ ಪ್ರತಿಷ್ಠಾಪಿಸಬೇಕು. ಸಂಗೊಳ್ಳಿ ರಾಯಣ್ಣನ ಹುಟ್ಟೂರಲ್ಲಿ ಉತ್ಸವ, ರುದ್ರಮ್ಮಳ ಸಮಾಧಿ ಮತ್ತು ರಾಯಣ್ಣನ ಸಮಾಧಿ ನಂದಗಡ ಸ್ಥಳ, ಸ್ನಾನದ ಕೆರೆ, ಪೂಜಾ ಗುಡಿಗಳು, ಸೈನಿಕ ತರಬೇತಿ ಸ್ಥಳ, ಆನಂದಗಡ, ಚನ್ನಮ್ಮಳ ವಂಶಸ್ಥರನ್ನು ರಕ್ಷಣೆ ಮಾಡಿದ ಗುಡ್ಡ ಹಂಡಿಬಡಗನಾಥ ವೀರರಾಯಣ್ಣನ ಜೊತೆಗೆ 12 ಜನರನ್ನು ಗಲ್ಲಿಗೇರಿಸಿರುವ ಸ್ಮಾರಕಗಳನ್ನು ಅಭಿವೃದ್ದಿಪಡಿಸಬೇಕು.

ಕಿತ್ತೂರನ್ನು ತಾಲೂಕೆಂದು ಘೋಷಿಸಿ ಮೈಸೂರು ಮಾದರಿಯಲ್ಲಿ ಅಂತರಾಷ್ಟ್ತ್ರೀಯ ಪ್ರವಾಸಿ ಸ್ಥಳವನ್ನಾಗಿಸಬೇಕು. ಅಕ್ಬೌರ್ 23 ಮಹಿಳಾ ದಿನಾಚರಣೆ ಹಾಗೂ ಕಿತ್ತೂರು ಉತ್ಸವದಲ್ಲಿ ಮಹಿಳೆಯರಿಗೆ ಆದ್ಯತೆ ನೀಡಬೇಕು. ಕಿತ್ತೂರು ಸಂಸ್ಥಾನದ ಸಮಗ್ರ ಸಂಶೋಧನೆಗೆ ತಜ್ಞರ ಅಧ್ಯಯನ ಕೇಂದ್ರ ರಚಿಸಬೇಕು. ಕಿತ್ತೂರು ಉತ್ಸವದಲ್ಲಿ ಮಹಿಳಾ ಸಾಧಕಿಯರನ್ನು ಗುರುತಿಸಿ ಗೌರವಿಸಬೇಕು. ಅಲ್ಲದೇ ಕಿತ್ತೂರು ಸಂಸ್ಥಾನಕ್ಕೆ ಸಂಬಂಧಿಸಿದ ಹೋರಾಟ ಮಾಡಿದ ವ್ಯಕ್ತಿಗಳನ್ನು, ಸಂಘಟನೆಗಳನ್ನು ಗೌರವಿಸಬೇಕು.

ಅಮಟೂರ ಬಾಳಪ್ಪನ ಉತ್ಸವ ಸರಕಾರದಿಂದ ಆಚರಣೆಯಾಗಬೇಕು. ಅಂಬಡಗಟ್ಟಿ ಗುರುಸಿದ್ದಪ್ಪ, ಬಿಚ್ಚುಗತ್ತಿ ಚನ್ನಬಸಪ್ಪ ಮುಂತಾದವರ ವೀರಸ್ಮಾರಕಗಳನ್ನು ನಿರ್ಮಿಸಬೇಕು. ಕಿತ್ತೂರು ಕೋಟೆಯ ಅತಿಕ್ರಮಣ ನಡೆದಿದ್ದು ಇದನ್ನೆಲ್ಲಾ ಸರಕಾರ ತಕ್ಷಣ ತೆರವುಗೊಳಿಸಬೇಕು. ಕಿತ್ತೂರು ಉತ್ಸವದಲ್ಲಿ ವಿಶೇಷವಾಗಿ ಉತ್ತರ ಕರ್ನಾಟಕದ ಕಲಾವಿದರಿಗೆ ಪ್ರಥಮ ಆದ್ಯತೆ ನೀಡಬೇಕು. ಕಿತ್ತೂರು ಸಾಹಿತ್ಯದ ಮಾಹಿತಿ ಲಭ್ಯವಾಗಬಕು. ಅಕ್ಟೌಬರ್ 23 ಕಿತ್ತೂರು ವಿಜಯೋತ್ಸವದ ದಿನವನ್ನು ರಜ್ಯ ಸರಕಾರ ಪ್ರಜಾದಿನವೆಂದು ಘೋಷಣೆ ಮಾಡಬೇಕು ಮುಂತಾದ 13 ಬೇಡಿಕೆಗಳನ್ನು ಇದೇ 23ರರೊಳಗಾಗಿ ಈಡೇರಿಸದಿದ್ದಲ್ಲಿ ಉಗ್ರ ಹೋರಾಟ ನಡೆಸುವುದಾಗಿ ಸರಕಾರಕ್ಕೆ ನೀಡಲಾದ ಮನವಿಯಲ್ಲಿ ಎಚ್ಚರಿಸಲಾಗಿದೆ.

ಅಮಟೂರ ಬಾಳಪ್ಪನ ವೇಷಧಾರಿ ಧರಣಿ ಸಂದರ್ಭದಲ್ಲಿ ಬಂದೂಕು ಹಿಡಿದು ತನ್ನ ವೀರ ದರ್ಪದಿಂದ ಆಕರ್ಷಣೆಯ ಕೇಂದ್ರವಾಗಿದ್ದರು. ಧರಣಿ ಆರಂಭಿಸುವ ಪೂರ್ವದಲ್ಲಿ ವೀರ ಅಮಟೂರ ಬಾಳಪ್ಪನವರ ಭಾವಚಿತ್ರದ ಮೆರವಣಿಗೆ ಮೂಲಕ ಪ್ರತಿಭಟನಾ ಧರಣಿ ವೇದಿಕೆ ಅಭಿಮಾನಿಗಳು ಬಂದು ತಲುಪಿದರು. ಬೇಡಿಕೆಗಳ ಮನವಿಯನ್ನು ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಲಾಯಿತು.

 

loading...

LEAVE A REPLY

Please enter your comment!
Please enter your name here