ಸಣ್ಣವರನ್ನೂ ಪ್ರೀತಿಸುವ ದೊಡ್ಡ ಕವಿ ಚನ್ನವೀರ ಕಣವಿ : ಡಾ.ದೇಶಪಾಂಡೆ ಬಣ್ಣನೆ

0
0
loading...

ಕನ್ನಡಮ್ಮ ಸುದ್ದಿ- ಹಾನಗಲ್ಲ: ಚನ್ನವೀರ ಕಣವಿಯವರನ್ನು ಕವಿಯಾಗಿ ಮೊದಲು ಕಂಡಾಗ ಅವರ ಸರಳ ಸಜ್ಜನಿಕೆಯ ವಿಶ್ವರೂಪ ದರ್ಶನವಾಯಿತು ಎಂದು ಡಾ.ಎನ್.ಆರ್.ದೇಶಪಾಂಡೆ ಹೇಳಿದರು.

ಹಾನಗಲ್ಲನ ಸುಪ್ರಸಿದ್ಧ ಐತಿಹಾಸಿಕ ಕದಂಬರ ಕಾಲದ ತಾರಕೇಶ್ವರ ದೇವಸ್ಥಾನದ ರಂಗಮಂದಿರದಲ್ಲಿ ಸೃಜನಶೀಲ ಕನ್ನಡ ಸಾಹಿತ್ಯ ಬಳಗ ಆಯೋಜಿಸಿದ ಕನ್ನಡದ ಕಣ್ಮಣಿ ಕವಿ ಚನ್ನವೀರ ಕಣವಿ ಅವರ ಜನ್ಮ ದಿನ ಹಾಗೂ ಸಾಹಿತ್ಯ ಹುಣ್ಣಿವೆ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡು ಅವರು ಮಾತನಾಡಿ, ವ್ಯಕ್ತಿಯನ್ನು ದೂರದಿಂದ ವಿಮರ್ಶಿಸುವುದಕ್ಕಿಂತ ಹತ್ತಿರದಿಂದ ಅವರ ಒಳನೋಟಗಳನ್ನು, ಹೃದಯ ವೈಶಾಲತೆಯನ್ಜು ಅರಿಬೇಕು. ಸಣ್ಣವರನ್ನೂ ಪ್ರೀತಿಸುವ ದೊಡ್ಡ ಕವಿ ಚನ್ನವೀರ ಕಣವಿ ನಮ್ಮ ನಡುವೆ ಸಾಹಿತ್ಯ ಕ್ಷೇತ್ರದ ಮಹಾಸಾಗರ ಎಂದರು.
ಕಾರ್ಯಕ್ರಮ ಉದ್ಘಾಟಿಸಿದ ಸಾಹಿತಿ ಪ್ರೊ.ಮಾರುತಿ ಶಿಡ್ಲಾಪೂರ ಮಾತನಾಡಿ, ಚನ್ನವೀರ ಕಣವಿ ಕನ್ನಡದ ಕಾವ್ಯ ಭಂಡಾರ, ಆರೋಗ್ಯಕರ ಸಂವೇದನೆಗಳೊಂದಿಗೆ ಸಾಹಿತ್ಯ ಚಳವಳಿಯಲ್ಲಿ ಸಮನ್ವಯ ಅನನ್ಯತೆಯನ್ನು ಬರಹ ಬದುಕಾಗಿಸಿಕೊಂಡ ನಮ್ಮ ಕವಿ. ಸಾಹಿತ್ಯ ಪ್ರೀತಿಸುವಂತಹದ್ದು. ನಮ್ಮೊಳಗಿನ ನೂರು ಭಾವಗಳಿಗೆ ಜೀವ ತುಂಬುವ ಸೃಜನಶೀಲ ಕಲೆ. ಇತ್ತೀಚಿನ ದಿನಗಳಲ್ಲಿ ಸಾಹಿತ್ಯದ ಗತಿ ಹಲವು ಆಯಾಮಗಳನ್ನು ಪಡೆದುಕೊಂಡಿದ್ದು ಮೊಬೈಲ ವಾಟ್ಸಪ್ ಕವಿತೆಗಳು ಮಿಂಚಿನಂತೆ ಸಂಚರಿಸುತ್ತಿವೆ. ತಂತ್ರಜ್ಞಾನವನ್ನು ಸಾಹಿತ್ಯ ಬೆಳವಣಿಗೆಗೆ ಸಕಾರಾತ್ಮಕವಾಗಿ ಬಳಕೆ ಮಾಡಿಕೊಳ್ಳುವ ಅಗತ್ಯವಿದೆ ಎಂದ ಅವರು, ಸಾಹಿತ್ಯದ ದಾರಿ ಸಹೃದಯತೆಯ ಹೂ ಹಣ್ಣುಗಳನ್ನು ನೀಡುತ್ತದೆ. ಮನಷ್ಯನನ್ನು ಮೌಲಿಕಗೊಳಿಸುವ ಶಕ್ತಿ ಹೊಂದಿದೆ ಎಂದರು.

ಇನ್ನೋರ್ವ ಮುಖ್ಯ ಅತಿಥಿಯಾಗಿದ್ದ ನಿವೃತ್ತ ಪ್ರಾಚಾರ್ಯ ಲಲಿತಾ ದೇಸಾಯಿ, ಕನ್ನಡ ಸಾಹಿತ್ಯದ ಗತಿ ಶತಮಾನಗಳಿಂದಲೂ ಮನುಷ್ಯನಲ್ಲಿ ಸದಾಚಾರಗಳನ್ನು ಜಾಗೃತಗೊಳಿಸಿದೆ. ಕಾಲ ಕಾಲಕ್ಕೆ ಸಾಹಿತ್ಯದ ಪ್ರಕಾರಗಳು ಬದಲಾಗಿರಬಹುದು. ಆಯಾ ಕಾಲದ ಸಂವೇದನೆಗಳನ್ನು ಸೃಜಶೀಲಗೊಳಿಸುವುದು ಕವಿಯ ಜವಾಬ್ದಾರಿ ಎಂದರು.
ಸೃಜನಶೀಲ ಕನ್ನಡ ಸಾಹಿತ್ಯ ಬಳಗದ ಜಿಲ್ಲಾಧ್ಯಕ್ಷ ಸಂತೋಷ ಬಿದರಗಡ್ಡೆ, ತಾಲೂಕು ಅಧ್ಯಕ್ಷೆ ಪಾರ್ವತಿಬಾಯಿ ಕಾಶಿಕರ, ಕದಳಿ ವೇದಿಕೆ ಗೌರವಾಧ್ಯಕ್ಷೆ ಶಿವಗಂಗಕ್ಕ ಪಟ್ಟಣದ,ಸಂಗೀತ ಕಲಾವಿದ ಎನ್.ಆಯ್.ಕೋಮಾರ, ಚುಟುಕು ಚಂದಿರ ಪ್ರಶಸ್ತಿ ಪುರಸ್ಕøತ ಕವಿ ಕಾಂತೇಶ ಅಸುಂಡಿ. ಸಂತೋಷ ದೊಡ್ಡಮನಿ ಅತಿಥಿಗಳಾಗಿದ್ದರು.

ಕಾವ್ಯ ವಾಚನ : ಸೃಜನಶೀಲ ಕನ್ನಡ ಸಾಹಿತ್ಯ ಬಳಗದ ಜಿಲ್ಲಾ ಕಾರ್ಯದರ್ಶಿ ರಾಹಿಲ್ ರಾಜಾಬಕ್ಷ, ದಾವಲ್ ಮಲಿಕ್, ತಾಲೂಕಾ ಉಪಾಧ್ಯಕ್ಷ ಮಾರುತಿ ಕೊರಗರ ಹಾಗೂ ಮಾಲತೇಶ ಹರಿಜನ, ಲೀಲಾವತಿ ಗುಡಿ, ಕಾಂತೇಸ ಅಸುಂಡಿ, ರಕ್ಷಿತಾ ಚಿನ್ನಣ್ಣನವರ, ವಾಣಿ ಪೂಜಾರ, ಶಿವಾನಂದ ಮಾರನಬೀಡ ಕಾವ್ಯ ವಾಚನ ಮಾಡಿದರು. ದಮಯಂತಿ ದೇಶಪಾಂಡೆ, ಲೀಲಾ ಭಟ್, ಸಚ್ಚಿದಾನಂದ ಕಾಶೀಕರ, ಲಕ್ಷ್ಮೀ ಪಾಟೀಲ, ಮಮತಾ ಪೂಜಾರ, ಶ್ರೀಲತಾ ಬಂಕನಾಳ, ಕೀರ್ತನಾ ಪೂಜಾರ ಚನ್ನವೀರ ಕಣವಿ ಅವರ ಕಾವ್ಯಗಳನ್ನು ಹಾಡಿದರು.

loading...