ಕವನ ಮನಸ್ಸಿಗೆ ಶಾಂತಿ ನೀಡುವಂತಿರಲಿ: ಸಾಹಿತಿ ನದಾಫ

0
2
loading...

ಕನ್ನಡಮ್ಮ ಸದ್ದಿ-ಸವಣೂರ: ನಮ್ಮ ಕವನದಲ್ಲಿ ಮನಸ್ಸಿಗೆ ಶಾಂತಿ ನೆಮ್ಮದಿಯನ್ನು ಕೊಡುವ ಅಂಶಗಳು ಇರಬೇಕು. ಹಿರಿಯ ಕವಿಗಳ ಕವಿತೆಗಳನ್ನು ಸದಾ ಓದುತ್ತಾ ಇರಬೇಕು. ಅವರ ಬರೆದ ಎಷ್ಟೋ ಹಾಡುಗಳು ಕವನಗಳು ಸಮಾಜದ ಜನರನ್ನು ಕಣ್ಣು ತೆರೆಸಿವೆ ಎಂದು ಶಿರಸಿ ಕ್ಷೇತ್ರ ಶಿಕ್ಷಣಾಧಿಕಾರಿ, ಸಾಹಿತಿ ಹಜರೇಸಾಬ ನದಾಫ ಹೇಳಿದರು.
ಬುಧವಾರ ಸವಣೂರು ಪಟ್ಟಣದ ಶ್ರೀ ಲಲಾಟೇಶ್ವರ ಕಲ್ಯಾಣ ಮಂಟಪದ ಜ್ಞಾನಪೀಠ ಪ್ರಶಸ್ತಿ ವಿಜೇತ ಡಾ.ವಿ.ಕೃ.ಗೋಕಾಕರ ವೇದಿಕೆಯಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ತಾಲೂಕ ಘಟಕದ ವತಿಯಿಂದ ಜರುಗಿದ ಸವಣೂರು ತಾಲೂಕ 7ನೇ ಕನ್ನಡ ಸಾಹಿತ್ಯ ಸಮ್ಮೇಳದ ಕವಿ ಗೋಷ್ಠಿ ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು, ನಾವು ಬರೆದ ಕವಿತೆ ನಮ್ಮ ಹೃದಯ ತಟ್ಟುವಂತಿರಬೇಕು. ನಮ್ಮ ಕವಿತೆಯನ್ನು ಮತ್ತೊಬ್ಬರು ಮೆಚ್ಚುವಂತಿರಬೇಕು. ಕಾವ್ಯ ರಚನೆ ಸುಗಮದ ಕೆಲಸವಲ್ಲ. ಅದು ನಮ್ಮ ಹೃದಯಾಂತರಾಳದಿಂದ ಹೊರ ಹೊಮ್ಮಬೇಕು ಎಂದು ಸಿರಶಿ ಕ್ಷೇತ್ರ ಶಿಕ್ಷಣಾಧಿಕಾರಿ, ಸಾಹಿತಿ ಹಜರೇಸಾಬ ನದಾಫ ಹೇಳಿದರು. ಜ್ಞಾನಪೀಠ ಪ್ರಶಸ್ತಿ ವಿಜೇತ ಡಾ.ವಿ.ಕೃ.ಗೋಕಾಕರ ವೇದಿಕೆಯಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ತಾಲೂಕ ಘಟಕದ ವತಿಯಿಂದ ಜರುಗಿದ ಸವಣೂರು ತಾಲೂಕ 7ನೇ ಕನ್ನಡ ಸಾಹಿತ್ಯ ಸಮ್ಮೇಳದ ಕವಿ ಗೋಷ್ಠಿಯಲ್ಲಿ ಶಿಗ್ಗಾಂವಿ ರಂಬಾಪೂರಿ ಕಾಲೇಜಿನ ಪ್ರಾಚಾರ್ಯ ಎಸ್.ವಿ,ಕುಲಕರ್ಣಿ ಪಾಲ್ಗೊಂಡು ಆಶಯ ನುಡಿಗಳನ್ನು ಹೇಳಿದರು.
ಕವಿಗೋಷ್ಠಿಯಲ್ಲಿ ಚಿನ್ನು ರಾಗಿ, ಸಾಕ್ಷಿ ಮೆಣಸಿನಕಾಯಿ, ದಾವಲಮಲಿಕ ಇಂಗಳಗಿ, ನಿಂಗಪ್ಪ ಪಾಳುಂಕೆ, ವಿನಯ ರಾಶಿನಕರ, ಗಜೇಂದ್ರ ರಾಯ್ಕರ, ಸಿ.ಜಿ.ಭಗಂತಗೌಡ, ವೀರೇಶ ಹಿತ್ತಲಮನಿ, ಚಿನ್ನು ರಾಗಿ, ಮಹದೇವ ಬಿಷ್ಟಣ್ಣನವರ, ಅನಂತ ಕಣೇಕಲ್, ಪರಿಮಳ ವಾಲಿ, ಪ್ರಕಾಶ ಬಾರ್ಕಿ, ಕಿರಣ ದೊಡ್ಮನಿ, ಸರೋಜಾ ರಾಯ್ಕರ, ಸಂಗೀತಾ ವಣಗೇರಿ, ಗಂಗಾಧರ ಕುಳೇನೂರ, ಎಸ್.ಆರ್.ಕಳ್ಳಿಮನಿ, ಲಲಿತಾ ರಿತ್ತಿ, ಆರ್.ಎಸ್. ಮರೆಮ್ಮನವರ, ಎಸ್.ಬಿ.ಕರಿಯಣ್ಣನವರ, ಸುಜಾತಾ ಭಾಗವಹಿಸಿ ಕವಿತೆಗಳನ್ನು ಓದಿದರು. ಕಾರ್ಯಕ್ರಮದಲ್ಲಿ ಪ್ರಾಥಮಿಕ ಶಿಕ್ಷಕರ ಸಹಕಾರಿ ಸಂಘದ ಅಧ್ಯಕ್ಷ ಸಿ.ಎನ್.ಲಕ್ಕನಗೌಡ್ರ, ಶರಣ ಪರಿಷತ್ ಅಧ್ಯಕ್ಷ ಪ್ರವೀಣ ಚರಂತಿಮಠ, ಜಾನಪದ ಸಾಹಿತ್ಯ ಪರಿಷತ್ ಅಧ್ಯಕ್ಷ ಸಿ.ಸಿ.ಕುಳೇನೂರ, ಎಫ್.ಎನ್.ನೆಲ್ಲೂರ, ಕೆ.ಎಸ್.ಸುಣಧೋಳಿ ಇದ್ದರು.
ಎನ್.ಎನ್.ಬಸನಾಳ ಸ್ವಾಗತಿಸಿದರು. ಎಂ.ಎಸ್.ಕೊಟಗಿ, ಸುಜಾತಾ ಸಿ, ಕಾರ್ಯಕ್ರಮ ನಿರೂಪಿಸಿದರು. ಪಿ.ಆರ್.ಕೆಂಚಣ್ಣನವರ ವಂದಿಸಿದರು.

loading...