ಮಾರುಕಟ್ಟೆಗೆ ಲಗ್ಗೆ ಇಟ್ಟ ಹುಂಡೈ ವೆನ್ಯೂ

0
5

ಕನ್ನಡಮ್ಮ ಸುದ್ದಿ, ಹುಬ್ಬಳ್ಳಿ : ಭಾರತದಲ್ಲಿ ತಯಾರಾದ ಮೊದಲ ಎಸ್‌ಯುವಿ ‘ಹುಂಡೈ ವೆನ್ಯೂ’ ಕಾರು ಮಂಗಳವಾರ ವಾಣಿಜ್ಯ ನಗರಿಯಲ್ಲಿಯೂ ಬಿಡುಗಡೆಯಾಯಿತು. ಭೈರಿದೇವರಕೊಪ್ಪದಲ್ಲಿರುವ ಬೆಲ್ಲದ ಶೋ ರೋಮ್‌ನಲ್ಲಿ ಬಿಡುಗಡೆ ನಡೆಯಿತು. ಮೊಬೈಲ್ ಮೂಲಕವೇ ಕಾರಿನ ಎಲ್ಲ ಸವಲತ್ತುಗಳನ್ನು ಬಳಸಿಕೊಳ್ಳಲು ಅವಕಾಶವಿದೆ. ಎಸ್‌ಯುವಿ ಸಂಪರ್ಕ ಹೊಂದಿದ ಭಾರತದ ಮೊದಲ ಕಾರು ಎನ್ನುವ ಹೆಗ್ಗಳಿಗೆ ಹೊಂದಿದೆ.

ಸಂಸದ ಪ್ರಹ್ಲಾದ ಜೋಶಿ, ಬ್ಯಾಂಕ್ ಆಫ್ ಬರೋಡಾದ ವಿಭಾಗೀಯ ಮ್ಯಾನೇಜರ್ ಶ್ರೀನಿವಾಸ ರವಿಪತಿ, ಬೆಲ್ಲದ ಕಂಪನಿಯ ಆಡಳಿತ ಮಂಡಳಿ ನಿರ್ದೇಶಕ ಹಾಗೂ ಶಾಸಕ ಅರವಿಂದ ಬೆಲ್ಲದ ಕಾರು ಅನಾವರಣ ಮಾಡಿದರು.
‘ಮೊಬೈಲ್‌ನಿಂದಲೇ ಕಾರು ಆಫ್ ಮತ್ತು ಆನ್ ಮಾಡುವುದು. ಎಸಿ ನಿರ್ವಹಣೆ, ಕಚೇರಿಯಲ್ಲಿ ಕುಳಿತೇ ಸ್ನೇಹಿತರಿಗೆ ಕಾರಿನ ಕೀ ಕೊಡುವ ಸೌಲಭ್ಯವಿದೆ. ಕಾರು ಕಳ್ಳತನವಾದರೆ ಟ್ರ‍್ಯಾಕ್ ಮಾಡಲು ಅವಕಾಶವಿದೆ’ ಎಂದು ಬೆಲ್ಲದ ಶೋ ರೂಮ್‌ನ ಶಾಖಾ ವ್ಯವಸ್ಥಾಪಕ ಶ್ರೀನಿವಾಸ ವೈಚಾಳ ತಿಳಿಸಿದರು. ಹುಂಡೈ ವೆನ್ಯೂನಲ್ಲಿ ಒಂದು ಲೀಟರ್‌ನ ಟರ್ಬೊ ಎಂಜಿನ್, ೧.೨ ಲೀಟರ್‌ನ ಪೆಟ್ರೋಲ್ ಎಂಜಿನ್ ಮತ್ತು ೧.೪ ಲೀಟರ್‌ನ ಡೀಸೆಲ್ ಎಂಜಿನ್ ಇರುತ್ತದೆ. ಹೆಚ್ಚು ಸುರಕ್ಷತಾ ಸೌಲಭ್ಯವಿದೆ. ಹುಬ್ಬಳ್ಳಿಯ ನವೀನ ಜಾರಟಗಿ ಮೊದಲ ಕಾರು ಖರೀದಿಸಿದ್ದಾರೆ. ೪೦ ಜನ ಈಗಾಗಲೇ ಕಾರು ಖರೀದಿಸಲು ಹೆಸರು ನೋಂದಾಯಿಸಿದ್ದಾರೆ’ ಎಂದರು.

loading...