ಮೊದಲ ಪಂದ್ಯದಲ್ಲಿ ದುಬಾರಿಯಾದರೂ ಪ್ಯಾಟ್‌ ಕಮಿನ್ಸ್‌ ಬೆಂಬಲಿಸಿದ ಕೆಕೆಆರ್‌ ನಾಯಕ

0
11

ನವದೆಹಲಿ:- ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಎರಡು ಬಾರಿ ಚಾಂಪಿಯನ್ಸ್ ಕೋಲ್ಕತಾ ನೈಟ್‌ ರೈಡರ್ಸ್ ಉತ್ತಮ ಆರಂಭ ಕಂಡಿಲ್ಲ. ಬುಧವಾರ ರಾತ್ರಿ ಶೇಖ್‌ ಜಾಹೇದ್‌ ಸ್ಟೇಡಿಯಂನಲ್ಲಿ ನಾಲ್ಕು ಬಾರಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧ 49 ರನ್‌ಗಳ ಸೋಲು ಅನುಭವಿಸಿತು. ಈ ಪಂದ್ಯದಲ್ಲಿ ಕೆಕೆಆರ್ ವೇಗಿ ಪ್ಯಾಟ್‌ ಕಮಿನ್ಸ್ ಅತ್ಯಂತ ದುಬಾರಿ ಬೌಲರ್ ಎನಿಸಿಕೊಂಡರು.ಕಳೆದ ಡಿಸೆಂಬರ್‌ನಲ್ಲಿ ನಡೆದಿದ್ದ 2020ರ ಐಪಿಎಲ್‌ ಟೂರ್ನಿ ಹರಾಜಿನಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ 15.5 ಕೋಟಿ ರೂ. ಗಳಿಗೆ ಆಸ್ಟ್ರೇಲಿಯಾ ವೆಗಿಯನ್ನು ಖರೀದಿಸಿತ್ತು. ಆದರೆ, ಮೊದಲ ಪಂದ್ಯದಲ್ಲಿಯೇ ಕಮಿನ್ಸ್ ಕೆಕೆಆರ್‌ ಪರ ಉತ್ತಮ ಪ್ರದರ್ಶನ ತೋರಲು ಸಾಧ್ಯವಾಗಲಿಲ್ಲ. ಬೌಲಿಂಗ್‌ ಮಾಡಿದ ಮೂರು ಓವರ್‌ಗಳಲ್ಲಿ ಅವರು 49 ರನ್‌ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಪ್ಯಾಟ್‌ ಕಮಿನ್ಸ್‌ ಅವರು ಮೊದಲ ಪಂದ್ಯದಲ್ಲಿಯೇ ಟೀಕೆಗೆ ಗುರಿಯಾದರು.

ಟೀಕೆಗಳ ನಡುವೆ ಕೆಕೆಆರ್‌ ನಾಯಕ, ಪ್ಯಾಟ್‌ ಕಮಿನ್ಸ್ ಅವರ ಬೆನ್ನಿಗೆ ನಿಂತರು. ಮುಂಬೈ ಇಂಡಿಯನ್ಸ್ ವಿರುದ್ಧ ಮೊದಲನೇ ಪಂದ್ಯದಲ್ಲಿ ಕಳಪೆ ಪ್ರದರ್ಶನ ತೋರಿದ್ದ ಕಮಿನ್ಸ್‌ ಅವರನ್ನು ದಿನೇಶ್ ಕಾರ್ತಿಕ್‌ ಬೆಂಬಲಿಸಿದರು. ಪಂದ್ಯ ಆಡಲು ಅವರು ಕಳೆದ ಕೆಲವೇ ಗಂಟೆಗಳ ಹಿಂದೆ ಒಪ್ಪಿಗೆ ಪಡೆದಿದ್ದರು. ಹಾಗಾಗಿ, ಮೊದಲನೇ ಪಂದ್ಯದ ಪ್ರದರ್ಶನದ ಬಗ್ಗೆ ಮಾತನಾಡುವುದು ಸರಿಯಲ್ಲ ಎಂದರು.

“ಇದೀಗ ಅವರ ಪ್ರದರ್ಶನದ ಬಗ್ಗೆ ತೀರ್ಮಾನ ಮಾಡುವುದು ಸರಿಯಲ್ಲ. ಕ್ವಾರಂಟೈನ್‌ ನಲ್ಲಿದ್ದ ಅವರು ಪಂದ್ಯವಾಡಲು ಬುಧವಾರ 3.34ರಲ್ಲಿ ಒಪ್ಪಿಗೆ ಪಡೆದಿದ್ದರು. ಅವರನ್ನು ಹೊಂದಿರುವುದು ನಮಗೆ ಖುಷಿ. ಈ ಪಂದ್ಯದಲ್ಲಿ ಅವರ ಪ್ರದರ್ಶನದ ಬಗ್ಗೆ ತೀರ್ಪು ತೆಗೆದುಕೊಳ್ಳುವ ಅಗತ್ಯವಿಲ್ಲ ಎಂದು ಹೇಳಿದರು. ಅವರು ವಿಶ್ವ ಚಾಂಪಿಯನ್‌ ಬೌಲರ್‌. ಅವರನ್ನು ನಾನು ಸಂಪೂರ್ಣವಾಗಿ ನಂಬುತ್ತೇನೆ ಹಾಗೂ ಖಂಡಿತಾ ಅವರು ಒಳ್ಳೆಯ ಕಮ್‌ಬ್ಯಾಕ್‌ ಮಾಡಲಿದ್ದಾರೆ,” ಎಂದು ದಿನೇಶ್‌ ಕಾರ್ತಿಕ್‌ ವಿಶ್ವಾಸ ವ್ಯಕ್ತಪಡಿಸಿದರು.ಆಸ್ಟ್ರೇಲಿಯನ್‌ ವೇಗಿ ಕಮಿನ್ಸ್ ಕೇವಲ ಮೂರು ಓವರ್‌ಗಳಲ್ಲಿ 16.30ರ ಸರಾಸರಿಯಲ್ಲಿ 49 ರನ್‌ ನೀಡಿದ್ದರು. ಆ ಮೂಲಕ ಮುಂಬೈ ಇಂಡಿಯನ್ಸ್ ನಿಗದಿತ 20 ಓವರ್‌ಗಳಲ್ಲಿ 196 ರನ್‌ಗಳ ಗುರಿಯನ್ನು ನೀಡಿತ್ತು. ಅದರಂತೆ ರೋಹಿತ್‌ ಶರ್ಮಾ ಬಳಗ, ಸುಲಭವಾಗಿ ಕೆಕೆಆರ್‌ ತಂಡವನ್ನು ನಿಯಂತ್ರಿಸಿತು. ರೋಹಿತ್‌ ಶರ್ಮಾ 54 ಎಸೆತಗಳಲ್ಲಿ 80 ರನ್‌ಗಳನ್ನು ಗಳಿಸಿದ್ದರು.

ಮುಂದಿನ ಪಂದ್ಯಗಳಿಗೆ ಬ್ಯಾಟಿಂಗ್‌ ಕ್ರಮಾಂಕದ ಬಗ್ಗೆ ಮಾತನಾಡಿದ ದಿನೇಶ್‌ ಕಾರ್ತಿಕ್, ” ಪಂದ್ಯದ ಮೇಲೆ ಇದೆಲ್ಲವೂ ನಿರ್ಧಾರವಾಗುತ್ತದೆ ಹಾಗೂ ನಾವು ರನ್‌ ಚೇಸ್‌ ಮಾಡುವ ರನ್‌ಗಳನ್ನು ಆಧರಿಸಿರುತ್ತದೆ. ಈ ನಿಟ್ಟಿನಲ್ಲಿ ನಾವು ಬ್ಯಾಟಿಂಗ್‌ ಕ್ರಮಾಂಕವನ್ನು ನಿರ್ಧರಿಸುತ್ತೇವೆ,” ಎಂದು ಹೇಳಿದರು.49 ರನ್‌ಗಳಿಂದ ಸೋಲು ಅನುಭವಿಸಿದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ, 2013ರ ಬಳಿಕ ಐಪಿಎಲ್‌ ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಸೋತಿರುವುದು ಇದೇ ಮೊದಲು. ಸೆ. 26 ರಂದು ಅಬು ಧಾಬಿಯಲ್ಲಿ ಸನ್ ರೈಸರ್ಸ್ ಹೈದರಾಬಾದ್‌ ವಿರುದ್ಧ ಎರಡನೇ ಪಂದ್ಯದಲ್ಲಿ ಸೆಣಸಲಿದೆ.

loading...