ದಿನೇಶ್‌ ಕಾರ್ತಿಕ್‌ ವಿಫಲವಾದರೆ ಇಯಾನ್‌ ಮಾರ್ಗನ್‌ಗೆ ನಾಯಕತ್ವ ನೀಡುವಂತೆ ಸುನೀಲ್‌ ಗವಾಸ್ಕರ್‌ ಸಲಹೆ

0
6

ನವದೆಹಲಿ:- ಕೋಲ್ಕತ್ತಾ ನೈಟ್‌ ರೈಡರ್ಸ್ ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಉತ್ತಮ ಆರಂಭ ಪಡೆಯದೇ ಹೋದಲ್ಲಿ ಇಯಾನ್ ಮಾರ್ಗನ್‌ಗೆ ನಾಯಕತ್ವ ನೀಡಬೇಕೆಂದು ಭಾರತ ತಂಡದ ಮಾಜಿ ನಾಯಕ ಸುನೀಲ್‌ ಗವಾಸ್ಕರ್‌ ಸಲಹೆ ನೀಡಿದ್ದಾರೆ.

ಕೋಲ್ಕತಾ ಫ್ರಾಂಚೈಸಿ 2020ರ ಐಪಿಎಲ್‌ಗೆ ಹರಾಜಿನಲ್ಲಿ 5.25 ಕೋಟಿ ರೂ.ಗಳಿಗೆ ಇಂಗ್ಲೆಂಡ್‌ ಸೀಮಿತ ಓವರ್‌ಗಳ ನಾಯಕನನ್ನು ಖರೀದಿಸಿತ್ತು. ಇದೀಗ ತಂಡದ ಮಧ್ಯಮ ಕ್ರಮಾಂಕ ಬಲಿಷ್ಟವಾಗಿದೆ. ಅಲ್ಲದೆ ಅವರು ಇಂಗ್ಲೆಂಡ್‌ ತಂಡದ ನಾಯಕನಾಗಿ ಓಡಿಐ ಹಾಗೂ ಟಿ20 ಕ್ರಿಕೆಟ್‌ನಲ್ಲಿ ಯಶಸ್ವಿ ಸಾಧಿಸಿದ್ದಾರೆ. ಹಾಗಾಗಿ, ಕಾರ್ತಿಕ್‌ ಸ್ಥಾನಕ್ಕೆ ಅವರನ್ನು ಗುರುತಿಸಿದ್ದೇನೆ ಎಂದು ಗವಾಸ್ಕರ್ ತಿಳಿಸಿದ್ದಾರೆ.

2018ರಲ್ಲಿ ಗೌತಮ್‌ ಗಂಭೀರ್‌ ಅವರಿಂದ ನಾಯಕತ್ವವನ್ನು ಪಡೆದ ದಿನೇಶ್‌ ಕಾರ್ತಿಕ್‌ ಅದೇ ಆವೃತ್ತಿಯಲ್ಲಿ ತಂಡವನ್ನು ಪ್ಲೇಆಫ್‌ಗೆ ತಲುಪಿಸಿದ್ದರು. ಆದರೆ, ಕಳೆದ ಆವೃತ್ತಿಯಲ್ಲಿ ಕೋಲ್ಕತ್ತಾ ನೈಟ್‌ ರೈಡರ್ಸ್ ಐದನೇ ಸ್ಥಾನದಲ್ಲಿ ಟೂರ್ನಿಯನ್ನು ಮುಗಿಸಿತ್ತು. ದಿನೇಶ್‌ ಕಾರ್ತಿಕ್‌ ವೈಯಕ್ತಿಕ ಪ್ರದರ್ಶನ ಅಷ್ಟೊಂದು ಚೆನ್ನಾಗಿರಲಿಲ್ಲ. ಅವರು 14 ಪಂದ್ಯಗಳಿಂದ 31.63ರ ಸರಾಸರಿಯಲ್ಲಿ 253 ರನ್‌ಗಳನ್ನು ಗಳಿಸಿದ್ದರು. ಅಲ್ಲದೆ, ತಂಡದ ಬ್ಯಾಟಿಂಗ್‌ ವೈಫಲ್ಯ ಅನುಭವಿಸಿತ್ತು. 35ರ ಪ್ರಾಯದ ಆಟಗಾರ ಈ ಬಾರಿ ಉತ್ತಮ ಪ್ರದರ್ಶನ ತೋರಲೇಬೇಕಾದ ಅಗತ್ಯವಿದೆ.

ಕೋಲ್ಕತ್ತಾ ನೈಟ್‌ ರೈಡರ್ಸ್ ತಂಡದ ಬ್ಯಾಟಿಂಗ್‌ ಲೈನ್‌ಅಪ್‌ನಲ್ಲಿನ ಆಕ್ರಮಣಾಕಾರಿ ಹಾಗೂ ಆಕರ್ಷಣೆಯ ಬಗ್ಗೆ ಹೈಲೆಟ್‌ ಮಾಡಿದ್ದಾರೆ. ಇಯಾನ್‌ ಮಾರ್ಗನ್‌ ಶ್ಲಾಘಿಸಿದ ಗವಾಸ್ಕರ್‌, ಅವರ ಅನುಭವ ಹಾಗೂ ಸ್ಥಿರತ ಮಧ್ಯಮ ಕ್ರಮಾಂಕಕ್ಕೆ ಲಾಭದಾಯಕವಾಗಲಿದೆ ಹಾಗೂ ಇದರಿಂದ ತಂಡ ಇನ್ನಷ್ಟು ಅಪಾಯಕಾರಿಯಾಗಲಿದೆ. ಹಾಗಾಗಿ ಟೂರ್ನಿಯ ಆರಂಭಿಕ ಹಂತದಲ್ಲಿ ಕಾರ್ತಿಕ್‌ ನಾಯಕತ್ವ ಯಶಸ್ವಿಯಾಗದೇ ಹೋದಲ್ಲಿ, ಮಾರ್ಗನ್‌ಗೆ ನಾಯಕತ್ವ ನೀಡಬೇಕು ಎಂಬುದು ಸುನೀಲ್ ಗವಾಸ್ಕರ್‌ ಅಭಿಪ್ರಾಯ.

“ಕೋಲ್ಕತಾ ನೈಟ್ ರೈಡರ್ಸ್ ಅತ್ಯುತ್ತಮ ತಂಡವಾಗಿದ್ದು, ಇದು ಅತ್ಯಂತ ಆಕರ್ಷಕ ಮತ್ತು ಆಕ್ರಮಣಕಾರಿ ಬ್ಯಾಟಿಂಗ್ ಕ್ರಮವನ್ನು ಹೊಂದಿದೆ. ಇದರ ಜತೆ ಇಯಾನ್‌ ಮಾರ್ಗನ್‌ ಅವರಿಂದ ತಂಡದ ಮಧ್ಯಮ ಕ್ರಮಾಂಕಕ್ಕೆ ಇನ್ನಷ್ಟು ಅನುಭವ ಹಾಗೂ ಸ್ಥಿರತೆ ಸಿಕ್ಕಂತಾಗಿದೆ ಮತ್ತು ಇವರು ತಂಡದಲ್ಲಿ ತುಂಬಾ ಅಪಾಯಕಾರಿ ಎಂದು ಸಾಬೀತುಪಡಿಸಬಹುದು. ದಿನೇಶ್‌ ಕಾರ್ತಿಕ್‌ ನಾಯಕತ್ವದಲ್ಲಿ ಮೊದಲ ಐದು ಪಂದ್ಯಗಳಲ್ಲಿ ತಂಡ ಉತ್ತಮ ಪ್ರದರ್ಶನ ತೋರದ ಇದ್ದಲ್ಲಿ ಇಯಾನ್‌ ಮಾರ್ಗನ್‌ಗೆ ನಾಯಕತ್ವ ನೀಡಬೇಕು,” ಎಂದು ಗವಾಸ್ಕರ್‌ ಸ್ಪೋರ್ಟ್ಸ್ ತಕ್‌ಗೆ ತಿಳಿಸಿದ್ದಾರೆ.

loading...