ಪಂದ್ಯದ ಸೋಲು ನಿಜವಾಗಿಯೂ ತುಂಬಾ ಬೇಸರ ತರಿಸಿದೆ ಎಂದ ಮಯಾಂಕ್‌ ಅಗರ್ವಾಲ್‌

0
3

ನವದೆಹಲಿ:- ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಹದಿಮೂರನೇ ಆವೃತ್ತಿಯ ಐಪಿಎಲ್‌ನ ತನ್ನ ಮೊದಲನೇ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಗೆಲುವಿಗಾಗಿ ಕೊನೆಯವರೆಗೂ ಹೋರಾಡಿದ ಆರಂಭಿಕ ಬ್ಯಾಟ್ಸ್‌ಮನ್‌ ಮಯಾಂಕ್ ಅಗರ್ವಾಲ್‌ ಅಂತಿಮವಾಗಿ ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ವಿಫಲರಾದರು.ಪಂದ್ಯವೀಡಿ ಏಕಾಂಗಿಯಾಗಿ ಹೋರಾಟ ನಡೆಸಿದ ಅವರು 89 ರನ್‌ಗಳನ್ನು ಗಳಿಸಿ ಪಂಜಾಬ್‌ ಫ್ರಾಂಚೈಸಿಯನ್ನು ಗೆಲುವಿನ ಸಮೀಪ ತಂದಿದ್ದರು ಆದರೆ, 158 ರನ್‌ಗಳಿಗೆ ನಿಯಂತ್ರಣಕ್ಕೆ ಒಳಪಟ್ಟರು. ಕೊನೆಯ ಮೂರು ಎಸೆತಗಳಲ್ಲಿ ಒಂದು ರನ್‌ ಗಳಿಸಲಾಗದೆ ಪಂದ್ಯ ಟೈ ಆಯಿತು. ಆದರೆ, ಸೂಪರ್ ಓವರ್‌ನಲ್ಲಿ ಕೇವಲ ಮೂರು ರನ್‌ಗಳ ಗುರಿಯನ್ನು ನೀಡಿದ ಪಂಜಾಬ್‌ ಹೀನಾಯ ಸೋಲು ಅನುಭವಿಸಿತು.

158 ರನ್‌ಗಳನ್ನು ಗುರಿ ಹಿಂಬಾಲಿಸಿದ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ತಂಡ ಕಳೆಪೆ ಆರಂಭ ಕಂಡಿತ್ತು. ನಿಯಮಿತ ವಿಕೆಟ್‌ಗಳನ್ನು ಕಳೆದುಕೊಳ್ಳುವ ಮೂಲಕ 55 ರನ್‌ಗಳಿಗೆ ಪ್ರಮುಖ ಐವರು ಬ್ಯಾಟ್ಸ್‌ಮನ್‌ಗಳನ್ನು ಕಳೆದುಕೊಂಡಿತು. ಕೆ.ಎಲ್‌ ರಾಹುಲ್‌, ನಿಕೋಲಸ್‌ ಪೂರನ್‌, ಕರುಣ್‌ ನಾಯರ್‌, ಸರ್ಫರಾಜ್‌ ಖಾನ್‌ ಹಾಗೂ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಬಹುಬೇಗ ಪೆವಿಲಿಯನ್‌ಗೆ ತೆರಳಿದ್ದರು.

ಆದರೂ, ಎದೆ ಗುಂದದೆ ಬ್ಯಾಟಿಂಗ್‌ ಮಾಡಿದ ಮಯಾಂಕ್‌ ಅಗರ್ವಾಲ್‌ ಡೆಲ್ಲಿ ಕ್ಯಾಪಿಟಲ್ಸ್‌ ಸವಾಲನ್ನು ಮೆಟ್ಟಿ ನಿಂತರು. ಕೆ ಗೌತಮ್‌ ಅವರೊಂದಿಗೆ ಸೇರಿ ಮಯಂಕ್‌ 46 ರನ್‌ಗಳ ಜತೆಯಾಟವಾಡಿದರು. ಟೀಮ್‌ ಇಂಡಿಯಾ ಟೆಸ್ಟ್ ಓಪನರ್‌ 45 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದರು.

ಕೊನೆಯ ಓವರ್‌ನಲ್ಲಿ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ತಂಡಕ್ಕೆ 13 ರನ್‌ಗಳ ಅಗತ್ಯವಿತ್ತು. ಅದ್ಭುತವಾಗಿ ಕೊನೆಯ ಓವರ್‌ ಆರಂಭಿಸಿದ ಅಗರ್ವಾಲ್‌ ಮೊದಲನೇ ಎಸೆತದಲ್ಲಿಯೇ ಸಿಕ್ಸರ್‌ ಬಾರಿಸಿದರು. ನಂತರ ಎರಡು ಎಸೆತಗಳನ್ನು ಹೊಡೆದಿ, ಒಂದು ಬೌಂಡರಿ ಗಳಿಸಿದರು. ಆ ಮೂಲಕ ಮೂರು ಎಸೆತಗಳಲ್ಲಿ ಒಂದು ರನ್‌ ಅಗತ್ಯವಿತ್ತು. ಪಂಜಾಬ್‌ ಇನ್ನೇನು ಗೆದ್ದೇ ಗೆಲ್ಲುತ್ತದೆ ಎಂದು ಭಾವಿಸಲಾಗಿತ್ತು. ಆದರೆ, ಅಲ್ಲಿ ನಡೆದ ಮ್ಯಾಜಿಕ್‌ ಬೇರೆಯಾಗಿತ್ತು.

ಕರ್ನಾಟಕ ಬ್ಯಾಟ್ಸ್‌ಮನ್‌ ನಾಲ್ಕನೇ ಎಸೆತವನ್ನು ಹೊಡಯುವಲ್ಲಿ ವಿಫಲವಾದರು ಹಾಗೂ ಐದನೇ ಎಸೆತದಲ್ಲಿ ವಿಕೆಟ್‌ ಒಪ್ಪಿಸಿದರು. ನಂತರ ಕೊನೆಯ ಎಸೆತವೂ ಕ್ರಿಸ್‌ನಲ್ಲಿ ಇದ್ದ ಕ್ರಿಸ್‌ ಜೋರ್ಡನ್‌ ಕೂಡ ಔಟ್‌ ಆದರು. ಸೂಪರ್ ಓವರ್‌ನಲ್ಲಿ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ಕೇವಲ ಎರಡು ರನ್‌ ಗಳಿಸಿತು. ರಿಷಭ್ ಪಂತ್‌ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಗೆಲ್ಲಿಸಿದರು.

ಕಠಿಣ ಹೋರಾಟ ನಡೆಸಿದರೂ ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗಲಿಲ್ಲವೆಂದು ಆರಂಭಿಕ ಬ್ಯಾಟ್ಸ್‌ಮನ್‌ ಮಯಾಂಕ್‌ ಅಗರ್ವಾಲ್‌ ಬೇಸರ ವ್ಯಕ್ತಪಡಿಸಿದರು. ಪಂದ್ಯದ ಬಳಿಕ ಮಾತನಾಡಿದ ಅವರು, ಆಟದಲ್ಲಿ ಪಾಸಿಟವ್‌ ಆಗಿ ಇದ್ದ ನಾನು ಸೋಲಿನ ಬಳಿಕ ತುಂಬಾ ಬೇಸರವಾಯಿತು. ಪಂದ್ಯವನ್ನು ಯಶಸ್ವಿಯಾಗಿ ಮುಗಿಸಲಿಲ್ಲವಲ್ಲ ಎಂಬ ಭಾವನೆ ಭಯಾನಕವಾಗಿ ಕಾಡುತ್ತಿದೆ ಎಂದರು.

“ನಾವು ಕಠಿಣ ದಿನವನ್ನು ಅನುಭವಿಸಿದ್ದೇವೆ. ಪಂದ್ಯದಿಂದ ಹೊರ ಬರಲು ನಮಗೆ ಸಾಕಷ್ಟು ಪಾಸಿಟವ್‌ ಅಂಶಗಳಿದ್ದವು. ನಾವು ಕಮ್‌ಬ್ಯಾಕ್‌ ಮಾಡಿದ್ದ ರೀತಿ ಅದ್ಭುತವಾಗಿತ್ತು ಹಾಗೂ ಹೊಸ ಚೆಂಡಿನೊಂದಿಗೆ ನಾವು ಬೌಲಿಂಗ್‌ ಮಾಡಿದ ಹಾದಿ ತುಂಬಾ ಭಯಂಕರವಾಗಿತ್ತು.,” ಎಂದು ಹೇಳಿದರು.

“ಕಳಪೆ ಆರಂಭ ಕಂಡರೂ ಅತ್ಯುತ್ತಮವಾಗಿ ಕಮ್‌ಬ್ಯಾಕ್‌ ಮಾಡಿ ಪಂದ್ಯವನ್ನು ಗೆಲ್ಲಿಸಲು ಸಾಧ್ಯವಾಗಲಿಲ್ಲವಲ್ಲ ಎಂಬ ನೋವು ಕಾಡುತ್ತಿದೆ. ಈ ಭಾವನೆ ಭಯಾನಕವಾಗಿದೆ,” ಎಂದು ಮಯಂಕ್ ಅಗರ್ವಾಲ್, “ಪಂದ್ಯವನ್ನು ಮುಗಿಸಬೇಕಾಗಿತ್ತು,” ಎಂದು ಮರುಗಿದರು.

loading...